Soledurn

Soledurn (dytsch Solothurn, franzöösisch Soleure, italienisch Soletta, rätoromanisch Soloturn, lat.-kelt. Salodurum, umgangsprochlech Soli) isch d Houptstadt vom Kanton Soledurn, und isch en eigene Bezirk.

Solothurn
Wappe vo Solothurn
Basisdate
Staat:	Schwiiz
Kanton:	Soledurn (SO)
Bezirk:	Solothurnw
BFS-Nr.:	2601i1f3f4
Poschtleitzahl:	4500
UN/LOCODE:	CH SOO
Koordinate:	607492 / 22860447.2083317.537513430
Höchi:	430 m ü. M.
Flächi:	6,29 km²
Iiwohner:	i16'633 (31. Dezämber 2022)
Stadtpräsident:	Kurt Fluri (FDP)
Website:	www.stadt-solothurn.ch
Soledurn a dr Aare Soledurn a dr Aare
Charte
Charte vo Solothurn w

Soledurn bhauptet vo sich, es sig die schönschti Barockstadt vor Schwiiz. D Altstadt isch zwüsche 1530 und 1792 baut worde und isch wäge däm e Mischig vo Architektur-Stil us verschidene Ziite. Im Johr 2010 het Soledurn e chli meh as 16 duusig Iwohner gha.

Soledurn isch ar Aare und am Jurasüdfuess.

Sehenswürdigkeite z Soledurn si d Altstadt, dr Zitgloggedurm, d St.-Urse-Kathedrale und d Jesuitechile.
Ganz ir Nöchi vo Soledurn isch d Verenaschlucht mit dr Einsidelei und s Schloss Waldegg. Dr Gipfel vum Husbärg Wisseschtei erreicht me am bequemschte mit dr neue Gondelibahn.

E Karikatur vo 1880 zaigt, wie sich Lüt us de ganze Wält wundered, dass d Soledurner iri historische Stadtmuure abriissed.

Gschicht

• ca. 14–37: Neu-Gründig vom wohl ehemols keltische Salodurum ir Ziit vom römische Kaiser Tiberius. Es isch e Marktfläcke im Bereich vom hütige Stalde bis ca. Juden-/Schaalgass. Um 300 muess wäge de Alemanne-Ifäll ä Befeschtigungs-Muur drum ume baut wärde. Überräschte dervo gits no z. B. uf em Fridhofplatz. Bi dr hütige St. Urse-Kathedrale schteit damals ä heidnische Tämpel.
• 932: Gründig vom geischtleche St.-Urse-Stift dür d Burgunder-Königin Bertha
• ca. 1033: Soledurn isch zur Richsstadt worde
• 1218: Solothurn isch e freji Richsstadt, es cha jetz si Schultheiss säuber wähle. D Schtadt-Feschtig isch mittlerwile usbaut worde: Nach Norde und vor allem Oschte, aber au d Vorschtadt isch entschtande. Dr hütig Zytglogge-Turm isch no ne simple Beobachtigs-Turm; si unter Teil isch aber s öutischte no exischtierende Bauwärk vo dr Stadt.
• 1318 het d Schtadt-Befeschtigung anere Belagerig vom habsburgisch Herzog Leopold I. standghalte, und au d Gugler hei 1375 nume zwöi benachbarti Dörfer chönne brandschatze.
• 1481 isch Soledurn dr Eidgenosseschaft biträte. Ungfähr glichzitig isch dr Chrumm Turm im Weschte baut worde.
• 1523–1533: Reformations-Wirre, Soledurn blibt aber letschtlech katholisch. I die Zit fallt dr Bau vom Baseltor.
• 1530–1792 het die französischi Botschaft bir Eidgenosseschaft in Soledurn residiert. I die Zit vom adlige Ancien Régime fallt dr Bau vo de Schanze, wo hüt z. T. no exischtiert und vo de vile Schlössli und Landsitze i dr Stadt und Umgäbig; au vo dr St Urse-Kathedrale vo 1776.
• Um 1800 si bim Kapuziner-Chloschter zwe Linde pflanzt worde. Das si hüt zäme mit einige wenige Bäum uf dr Schanze die öutischte Bäum i dr Schtadt.
• Dr gross Usbau und s Wachstum vo dr Stadt isch nach dr liberale Revolution, ab em 19. Johrhundert, mit dr Induschtrialisierig passiert.
• Damit d Stadt wachse söll chöne, hät me ab 1835 aagfange in Etape Tail vo de Schanze abzbräche. Da hät dänn 1880 zum e nazionale Protescht gfüert. Wo me 1905 es witers Stuck vo de Schanze abgrisse hät, isch da de Uslöser gsi, för d Gründig vom Schwizer Haimatschutz.

Bevöukerig

Quälle: Bundesamt für Statistik 2005

Johr	1850	1860	1870	1880	1888	1900	1910	1920
Iiwohner	5370	5916	7008	7534	7534	10025	11688	13065
Johr	1930	1941	1950	1960	1970	1980	1990	2000
Iiwohner	13734	15414	16743	18394	17708	15778	15748	15489

De Uusländeraateil isch 2010 bi 20,5 % gläge.

Religion

29,6 % vo dr Iiwooner si im Johr 2000 evangelisch-reformiert gsii, 35,3 % römisch-katholisch.

Politik

Bi dr Nationalrootswaale 2011 hät s das Ergebnis gää: BDP 3,1 %, CVP 14,1 %, EDU 0,2 %, EVP 1,0 %, FDP 21,7 %, GLP 6,4 %, GP 15,5 %, SP 22,4 %, SVP 12,8 %, Suschtigi 2,9 %.

Gmeindspresidänt isch dr Kurt Fluri (Stand 2019).

Wirtschaft

D Arbetslosigkeit isch im Johr 2011 bi 3,1 % gläge.

Sproch und Dialäkt

Bi dr Voukszellig 2000 hei vo dr 15'489 Iiwohner 85,7 % Dütsch aus Hauptsproch aagää, 1,2 % Französisch, 3 % Italienisch und 10,1 % angeri Sproche.

Dr hochalemannisch Dialäkt vo Soledurn ghört zue dr Dialäkt vo dr Region Soledurn, wo ähnlich si zum Bärndütsch.

Kultur

Sit 1966 findet all Johr Ändi Jänner z Soledurn s Soledurner Filmtäg statt. Vo 1990 bis 2000 isch im Palais Besenval a dr Aare unde s Kantonal Kulturzentrum Palais Besenval gsii.

Soledurn und d 11

Soledurn het e spezielli Beziehig zur Zahl öuf: ir St.-Urse-Kathedrale hets öuf Altär und öuf Glogge, und zur Kathedrale ufe füert e Stäge mit 11 Stufe pro Abschnitt. E Soledurner Brauerei heisst Öufi-Bier.

Anderersits gits au vüu Mythe ums öufi. Zum Bischspüu isch Soledurn nid dr öuft Kanton gsi, wo dr Altä Eidgenosseschaft biträtä isch, sondern dr zäht.

Fasnacht

D Soledurner Fasnacht foot nid wie a angerne Orte am 11. 11. (Martinstag) aa, sondern am 13. Januar, am Hilari-Daag, aa. Ab denne heisst Soledurn «Honolulu» und d Rathuusgass heisst «Esusgass». Riichtig afoo duets am Schmutzige Donnschtig, am füfi am Morge mit dr Chesslete. S Tenue isch es wisses Nachthemmli, es rots Spitztuech und e wissi Zipfuchappe. Abem Füfi am Morge darf de mit diverse Lärmgrät, wie Rätschene und Gloggene «gchesslet» wärde. D Rute, wo gloffe wird, wird vom Oberchessler feschtgleit. Nächär goht me i ne Beiz go Mäusuppe ässe. Am Donnstig-Nomitag gits e Nochwuchs-Narreumzug, wo nume chlini Narre ond Närrine dörfe teilnäh. Am Sunntig gits de dr gross Umzug mit diverse Wäge, Guggene und Narre. Am Ziischtig gits denne es Reprise vom Sunntig. Agfüert wärde beidi Umzüg vom Tambureverein Solothurn und de letzt Teilnähmer isch immer dr Houptgassleischt. D Soledurner Fasnacht hört uf mit em Zapfestreich. Am Äschermittwuch wird de dr Böög verbrönnt.

• 
  d St.Urse-Kathedrale
• 
  d Aare

Lueg au

Solothurn um 1755

Literatur

• Claudio Affolter: Solothurn: Architektur und Städtebau 1850–1920. Lehrmittelverlag Kanton Solothurn, [Solothurn] 2003, ISBN 3-905470-18-7.
• Urs Amacher: Heilige Körper. Die elf Katakombenheiligen des Kantons Solothurn. Knapp Verlag, Olten 2016, ISBN 978-3-906311-29-6.
• Bruno Amiet: Solothurnische Geschichte. Band I. Stadt und Kanton Solothurn von der Urgeschichte bis zum Ausgang des Mittelalters. Vogt-Schild AG, Solothurn 1952.
• Ylva Backman: Gräber bei St. Peter und St. Urs in Solothurn – von der Römerzeit bis ins Mittelalter. In: Archäologie und Denkmalpflege im Kanton Solothurn. Heft 16, S. 61–70. Solothurn 2011, ISBN 978-3-9523216-6-9.
• Stefan Blank, Markus Hochstrasser: Die Stadt Solothurn II. Die Kunstdenkmäler des Kantons Solothurn, Band II. Hrsg. von der Gesellschaft für Schweizerische Kunstgeschichte GSK, Bern 2008. (Kunstdenkmäler der Schweiz Band 113), ISBN 978-3-906131-88-7.
• Felix C. Furrer (Hrsg.): Solothurn: Bild einer Stadt. Solothurn: Vogt-Schild, 1996. ISBN 3-85962-1069 (formal falschi ISBN).
• Pierre Harb, Hans Braun, Erich Meyer, Erich Weber, Peter Michael Keller: Solothurn (Gemeinde). In: Historisches Lexikon vo dr Schwiiz.
• Rolf Max Kully: Solothurnische Ortsnamen. Die Namen des Kantons, der Bezirke und der Gemeinden. Solothurnisches Namenbuch 1. Drucksachenverwaltung/Lehrmittelverlag Kanton Solothurn, 2003, ISBN 3-905470-17-9.
• Stuart Morgan: Vaubans Projekt zur Befestigung einer Schweizer Stadt. In: Cartographica Helvetica Heft 1 (1990) S. 22–28 Volltext.
• Andrea Nold: Ein Quartier an der Aare im römischen Solothurn. In: Archäologie und Denkmalpflege im Kanton Solothurn. Heft 16, S. 47–60. Solothurn 2011, ISBN 978-3-9523216-6-9.
• Samuel Rutishauser: Die Stadt Solothurn. (Schweizerische Kunstführer, Nr. 912/913, Serie 93). Hrsg. von der Gesellschaft für Schweizerische Kunstgeschichte GSK. Bern 2013, ISBN 978-3-03797-111-6.
• Urs Scheidegger: Es war nicht immer so … In den Akten der Stadtammänner von Solothurn nachgeblättert. Band I. Vogt-Schild Verlag, Solothurn 1985, ISBN 3-85962-073-8.
• Urs Scheidegger: Es war nicht immer so … In den Akten der Stadtammänner von Solothurn nachgeblättert. Band II. Vogt-Schild Verlag, Solothurn 1986, ISBN 3-85962-083-5.
• Benno Schubiger: Die Stadt Solothurn I. Die Kunstdenkmäler des Kantons Solothurn, Band I. Hrsg. von der Gesellschaft für Schweizerische Kunstgeschichte GSK. Wiese Verlag, Basel 1994, (Kunstdenkmäler der Schweiz Band 86), ISBN 3-909164-08-0.
• Solothurn – Beiträge zur Entwicklung der Stadt im Mittelalter. Kolloquium vom 13./14. November 1987 in Solothurn. Veröffentlichungen des Instituts für Denkmalpflege an der Eidgenössischen Technischen Hochschule Zürich, Band 9, Verlag der Fachvereine, Zürich 1990, ISBN 3-7281-1613-0.
• Thomas Wallner: Solothurn – eine schöne Geschichte! Von der Stadt zum Kanton. 3., überarbeitete Ausgabe. Staatskanzlei des Kantons Solothurn, [Solothurn] 1993.
• Erich Weber (Hrsg.): Quer zum Fluss – Die Solothurner Aarebrücken. Schriftenreihe Historisches Museum Blumenstein, Nr. 2. Solothurn 2008.

Weblink

 Commons: Solothurn – Sammlig vo Multimediadateie

• www.stadt-solothurn.ch