Berghoupde

Berghoupde isch ä Gmeind im Ortenaukreis in Bade-Wirtteberg. Si het 2543 Iiwohner (Stond: 31. Dezember 2023).

Wappe	Ditschlandkart
	48.4069444444447.9869444444444172
Basisdate
Dialekt:	Alemannisch
Hauptvariante:	Nideralemannisch
Regionalvariante:	Oberrhinalemannisch (Schwarzwald)
Lokalvariante:	Kinzigdälerisch
Bundesland:	Bade-Wirttebärg
Regierungsbezirk:	Fräiburg
Krais:	Ortenaugrais
Heh:	172 m i. NHN
Flech:	9,7 km²
Iiwohner:	2543 (31. Dez. 2023)
Bevelkerungsdicht:	262 Iiwohner je km²
Boschtlaitzahl:	77791
Vorwahl:	07803
Kfz-Kennzaiche:	OG
Gmeischlissel:	08 3 17 009
Adress vun dr Gmaiverwaltung:	Rathausplatz 2 77791 Berghoupde
Webpräsenz:	www.berghaupten.de
Burgermaischter:	Philipp Clever
Lag vun vo de Gmai Berghoupde im Ortenaugrais
Karte

Geografii

Geografische Lag

Berghoupde läit im Nordweschte vum mittlere Schwarzwald in 170 bis 438 Mäder Hächi im Kinzigdal. Wel Berghaupte ab vun dr Bundesstroß 33 läit, wu im Dal durchlauft, isch s e rueige Ort un isch staatlig onerkonnt als Erholungsort. Dr Bonn bstoht us 37,2 % Londwirtschaftsflächi, 48,6 % Wald, 12,4 % Sidlungsflächi un 1,9 % sunschtiger Flächi.

Nochbergmeinde

D Gmeind grenzt im Norden on Ohlschbach, im Oschte on d Stadt Gängebach, im Sidweschte on Hohberg un im Nordweschte on d Kreisstadt Offeburg.

Gmeindgliderung

Zue dr Gmeind Berghoupte ghere s Dorf Berghaupte, d Wyler Hellgritt, Nejhuse un „Unterdal, Mitteldal, Oberdal“, d Gmeindsdeiler Kuehläger un Lindestroß, d Hef Bottebach un Stenglenz (mit Wingerbach) un s Wohngebiet Stiegelmatt (Stiegelmatt- un Dorfbergstroß). Im Gmeindsgebiet sin dr Hof Himmelrich, wu hit zue Berghaupte ghert, un d Ortschaft Kohlegrueb, wu hit zue Nejhuse ghert, userdäm d Wieschtung Mirebach.

Dialäkt

In Berghaupde wurd d Schwarzwaldvariante vum Oberrhialemannisch gschwätzt, was sich ä kleins bissle onderscht ohärt wie in de Rhinebene drusse. Tybisch fir de Kinzigdäler Dialäkt sin folgende Beischpiele:

Rhinebene: Mache, Ranze, Kann, Land, Rand, gschdande, gange, anderscht

Kinzigdal: Moche, Ronze, Konn, Lond, Rond, gschdonde, gonge, onderscht

Durch d Abflachung un Durchmischung vum Dialäkt wurd des allerdings au do nimmi vun allene so gschwätzt.

Gschicht

Berghoupde isch im Johr 1277 s erscht Mol in ere Urkund gnännt wore. D Gschicht vum Ort isch eng mit dr Herre vun Hohegeroldseck verbunde gsi, bis die Familie anne 1634 usgstorbe isch. In dr Zyt denoch het s Stryt um s Dorf gä zwische dr Eschtrycher un em Bischof vun Stroßburg. 1697 isch s Dorf ond Frejherre vun Schleys verkauft worre.

Ab 1755 bis in 1920er Johr isch z Berghoupde Bergbau betriibe worre. Si hän dert Kohle gferdert, aber wel s vielmol Ibrich gä het vum Wasser, isch dr Bergbau nie arg wirtschaftlig gsi.

Bolitik

D Gmeind ghert zue dr Veriibarte Verwaltungsgmeinschaft vun dr Stadt Gengebach.

Burgermeischter

• 1977 bis 2001: Hansjörg Bruder
• 2001 bis 2017: Jürgen Schäfer
• syt 2017: Philipp Clever

Gmeirot

Ergebnis vun dr Kommunalwahl vum 26. Mai 2019:

Barteie un Wehlergmeinschafte		% 2019	Sitz 2019	% 2014	Sitz 2014	Kommunalwahl 2019  % 40 30 20 10 0 36,4 % 32,3 % 25,1 % 6,2 % FW CDU SPD ULB Gwinn un Verluscht im Verglych zue 2014  %p    8    6    4    2    0   -2   -4   -6 +2,7 %p −4,9 %p −4,0 %p +6,2 %p FW CDU SPD ULB Vorlage:Wahldiagramm/Wartung/Fehler in der Farbeingabe - Dunkel
FW	Freie Wählergruppe Berghaupten	36,4	4	33,7	3
CDU	Christlich Demokratische Union Deutschlands	32,3	3	37,2	4
SPD	Sozialdemokratische Partei Deutschlands	25,1	2	29,1	3
ULB	Unabhängige Liste Berghaupten	6,2	1	0	0
gsamt		100,0	10	100,0	10
Wahlbedeiligung		71,4 %		62,8 %

Wappe

D Blasonierung vum Wappe isch: „In gspaltenem Schild vorn in Gold e rote Balke, hinte in Silber uf grienem Dreiberg e linksgwendeti Männerbischt mit schwarzer Kappe un rotem Krage.“

Kultur un was es git zum Oschaue

• Pfarrkirirch St. Georg
• S Blos-Orkeschter Berghoupte git s syter 1875.
• Jergefäscht (im Friejohr, syt 1870)
• Fasent
• Marktscheun

Wirtschaft un Infrastruktur

Berghoupte isch ä staatlich onerkonnter Erholungsort. Durch d Lag im vordere Kinzigdal wurd au Wii obaut. Sit 2011 stoht vorne on dr B33 d Marktscheune. Do durch isch dr Tourismus in Berghaupde nommol verbessert wore. Mittlerwil isch au schu ä baar mol obaut un gräßer gmocht wore. Berghaupde bildet zomme mit de Ortschafte Biibere, Gängebach, Noodere, Haamerschbach un Zell d Ferielondschaft Mittlerer Schwarzwald Gengebach/Haamerschbachdal.

Literatur

• Das Land Baden-Württemberg. Amtliche Beschreibung nach Kreisen und Gemeinden. Band VI: Regierungsbezirk Freiburg Kohlhammer, Stuttgart 1982, ISBN 3-17-007174-2. S. 325–326

Weblink

 Commons: Berghaupten – Sammlig vo Multimediadateie

• Website vun Berghoupte

Fueßnote

Dä Artikel basiert uff ere fräie Übersetzig vum Artikel „Berghaupten“ vu de dütsche Wikipedia. E Liste vu de Autore un Versione isch do z finde.