Sam B. Hall Jr.

Dialäkt: Owerelsassisch

Dr Sam Blakeley Hall Jr. (* 11. Janner 1924 z’ Marshall, Texas; † 10. Àwril 1994 àui do) ìsch a àmerikànischer Jurischt un Politiker gsìì. Zwìscha 1976 un 1985 hàt’r dr Bundesstààt Texas vetratta ìm US-Repräsantàntahüs. Ar ìsch schpeeter Bundesrìchter worra.

Dr Sam B. Hall.

Lawa un KàrriarBearbeite

Bis 1940 ìsch dr Sam Hall ìn sinera Haimet ìn d’ äffentliga Schüala gànga. Dernoh hàt’r bis 1942 àm College of Marshall (em hittiga East Texas Baptist University) gschtudiart. Wahrem Zwaita Waltkriag hàt’r vu 1943 bis 1945 ìm Fliagerkorps vu dr US-Àrmee bdiant. Noh-n-em Kriag hàt ar noch gschtudiart àm Baylor University z’ Waco ìm Texas. Ar hàt àui Racht gstudiart àn dara Universität (àn dr Baylor Law School). Ànna 1948 hàt ma ìhn àls Rachtsànwàlt züagloo. Àls Ànwàlt hàt’r z’äärscht vu 1948 bis 1976 z’ Marshall gschàfft. Glichzittig hàt’r sina Làuifbàhn ìn Politik ààgfànga, àls Mìtglìed vu dr Demokràtischa Pàrtäi. Ànna 1962 ìsch’r a Kàndidat gsìì fìr dr Kongress, àwer ìsch nìt gwählt worra. Vu 1972 bis 1976 ìsch’r Vorsìtzender gsìì vu dr Bìldungskummission ìn sinera Haimetschtàdt Marshall.

Nohdam àss dr Àbgordneta Wright Patman gschtorwa ìsch, hàt a Nàchwàhl ìm ärschta Wàhlbeziark vum Texas schtàttgfunda. Dr Sam Hall ìsch doo gwählt worra un ìsch àb em 19. Juni 1976 ìm Represantàntahüs gsassa. Ar ìsch fìmfa Mol wìdergwählt worra un ìsch ìm Kongress bis àm 27. Mai 1985 blìewa. Ìm Kongress ìsch’r Mìtglìed gsìì vum Rachtsüssschus un vum Üssschuss fìr d’ Àglaghaita vu da Veteràna. Noh sina Àmtszitta ìm Kongress ìsch dr Hall vum àmerikànischer Presidant Ronald Reagan ernannt worra àls Rìchter vum Bundesbeziarksgerìcht fìr dr äschtliga Beziark vum Texas. Dàs Àmt hàt’r üssiawt, bis’r àm 10. Àwril 1994 gschtorwa ìsch.

Z’ Marshall ìsch s’ Gebäi vum Bundesgerìchtshof noh-n-ìhm bnännt.

WeblinksBearbeite

  • Sam B. Hall Jr. im Biographical Directory of the United States Congress
  • Dr Sam B. Hall ìm Biographical Directory of Federal Judges (änglisch)
  • Dr Sam B. Hall bi Texas Escapes (änglisch)






  Dä Artikel basiert uff ere fräie Übersetzig vu dere Version vum Artikel „Sam_B._Hall_Jr.“ vu de ditsche Wikipedia. E Liste vu de Autore un Versione isch do z finde.
  Dä Artikel basiert uff ere fräie Übersetzig vu dere Version vum Artikel „Sam_B._Hall_Jr.“ vu de anglische Wikipedia. E Liste vu de Autore un Versione isch do z finde.